Posted in Hindi Poems on Friendship, Hindi poems on Relationships, Poems Dedicated to my Family & Friends

Aye Dost…


Aye dost….!!!
Galat math samajhna meri is khamoshi ko dekhkar..
Dekhna zara is dil ki geherayi tak jakar ..
Pata chalega tujhe
Ki meri khamoshi kya kehrahi hai tumse..
Dil se sunlena bahut kuch kehrahi hai tumse.

.

.

Written by :- Swetha Jekka ( J Swethagodawari)©®

Wrote on :- 19/02/2019

Advertisements
Posted in Hindi poems on Life

Meri manzil…..


Yeh dekho saamne hi toh hai meri manzil..
Magar vichaaron me dooba hai mera Mann.
Kyun nahi aage badhrahe hain mere kadam???
Jitna ulajhti jaarahi hun apne aapme..
Utna hi door hoti jaarahi hun apni manzil se main.

.

.

Written by :- J Swethagodawari ( Swetha Jekka)

Wrote on :- 26/12/2018

Image Source :- Google Images

Posted in Hindi poems on Life, Pictorial Poetry

Yeh Doobta hua sooraj..


PICTORIAL POETRY

Jitni bhi koshishein ki hain maine…
Utni hi baar haar chuki hun main.

Thak nahi jaati kabhi bhi main…
Koshish par koshish karte karte.

Thak nahi jaati kabhi bhi main…
Ghar me apnon ki aur bahar logon ki…
Jali kati baatein sunte sunte

Thak nahi jaati kabhi bhi main…
Jab bhi baar baar haar jaati hun main.

Aaj tak ki meri zindagi ki kitab me…
Ek taraf meri koshishein ki panne,
Doosri taraf mere haar ki panne…
Door hote jarahe hain yeh duniyawale mujhse…
Meri is naakaam zindagi ko dekh kar…

Bas ek ne mera saat nahi chhoda abhi tak…
Meri Taaqat…
Meri himmat…
yeh doobta hua sooraj…
Jo fir se hamesha ki tarah
Kal bhi wapas aayega,
Mere liye nayi roshni k saat…
Ek nayi subah bankar..
Yeh doobta hua sooraj.

Phir se ujaala hoga !!!

*

*

Written by :- J Swethagodawari (Swetha Jekka)

Wrote on :- 23/12/2018

Image Source©® :- Click here

Posted in Hindi Poems on Friendship, Poems Dedicated to my Family & Friends

Koi sandesh nahi aaya


For my best frnd…
har roz morning wish karte huye messeges bhejte hai hum ek doosre ko.aj nahi aya toh..kuch achcha nahi laga..n ye kuch lines uskeliye likha hai maine.jo bhi words maine isme use kiya hai..chaaye..biryani..flowers..etc..mere fvrts hain.
Yeh sirf usi k liye hai…

Aj tera paigaam nahi aaya
koi sandesh nahi aaya
aisa lagraha hai mujhe
ki…
jaise
mera fvrt chaaye hai..
par usme cheeni nahi.
chicken biryani hai..
par swaadh nahi.
net balance hai
par phone me signals nahi
phool hai…
magar khushubu nahi.
mousam suhana hai..
par tum saat nahi.
Aj tera paigaam nahi aaya
koi sandesh nahi aaya
.
.
By:- J Swethagodawari.

Posted in Hindi Poems on Love, Pictorial Poetry

Pyar hai tumse…


Mujhe na tumhari soorat se pyar hai
Aur na hi tera jism se pyar hai
Pyar hai teri pyari awaz se..
jo pyar se mera naam leti hai
Pyar hai teri baton se ….
jinhe sunte hi mann me titiliyan uddti hain
Pyar hai teri rooh se …
jo sirf meri rooh se jhudi huyi hai
Pyar hai teri muskan se….
jo meri muskan ban jati hai
Pyar hai anginat mujhe tera pariwar se…
jo mera bhi pariwar banchuka hai
Pyar hai teri mamta se …
jo meri maa ki mamta ki chhaav dikhti hai
Pyar hai tere in ankhon se …
jo meri kami me ansu k motiyon ko bahate hain
Pyar hai sirf tera pyar se …
jo sirf tujhe mujhse hai
Pyar hai teri dhadkan se …
jo sirf mere liye dhadakti hai
Pyar hai tera mann se …
jisme sirf mai basi hu hamesha k liye.

By:- J Swethagodawari
© Copyright @ 04/03/2016
Image Source:- Google images
Posted from WordPress for Android